最折磨嘅唔係起身餵奶，而係每晚都唔知自己做得啱唔啱。

我係Claire，香港＋英國註冊護士，曾任職於香港母嬰健康院。就算我係護士，BB瞓唔好一樣搞到我好崩潰。我當時一直靠估、靠死頂，諗著等呀仔大個就會好，一等就等左四年。

到陀住細女，我唔想再重複犯錯。於是花好多時間鑽研睡眠科學，結果細女睡眠好快穩定，生活好快重回正軌・我發現BB訓得好唔係靠運氣，訓覺原來係好科學，所有問題都有根據。

為咗唔單靠個人經驗，而係用更系統化、更專業嘅框架去幫每一個家庭，我完成咗 London School of Child Studies — OCN Level 6 Sleep Practitioner 課程，將判斷、策略同實際流程整理成一套清晰可複製、執行嘅方法。

而家，我想做嘅係：用呢套方法，幫你走少D冤枉路，早啲回復正常生活—一家有覺好瞓。

我創辦 Baby Sleep Lab，係想幫每個家庭搵到最啱佢哋BB嘅睡眠方式。因為BB各有性格同需要，我提供嘅唔係搬字過紙，而係清晰、實用、可持續嘅個人化方案。